بدتمیز

میں گزشتہ دو ماہ سے مختلف کام کرنے کا سوچتا ہوں لیکن صرف سوچتا ہی ہوں کر نہیں پاتا۔ اس میں کچھ قصور سست الوجودی کے ساتھ ساتھ عقل سمجھ کا بھی ہے۔ سستی کا تو اس سے اندازہ لگا سکتے ہیں کہ بلاگ کو مووایبل ٹائپ پر کنورٹ کرنا تھا جو کہ پچھلے سال ستمبر میں سوچا تھا اور نومبر میں جا کر پبلکلی کہا تھا لیکن ابھی تک نہیں ہو سکا اور مجھے لگتا ہے کہ ہو گا بھی نہیں۔ الٹا دماغ میں ایک ویب 2 بلاگ کا خاکہ بن گیا۔ عقل کا اندازہ لگا لیں کہ کتنی آسان چیزیں سمجھ نہیں لگتیں۔

چند مثالیں۔

میں اردو سیارہ کی طرز پر ایک فیڈ ایگریگیٹر سیٹ کرنے کا سوچ رہا تھا۔ کم سے کم بھی دو ماہ قبل قدیر صاحب کو کہا۔ انہوں نے ارشاد فرمایا بڑا آسان ہے planet ڈاؤنلوڈ کر کے انسٹال کر لو بلاگرز ڈاٹ پی کے بھی وہی استعمال کرتا ہے اور اردو سیارہ بھی۔ میں نے کر تو لیا لیکن ککھ سمجھ نہیں لگی کہ کیسے اس کو انسٹال کروں۔ پہلے تو نام پر تین ہفتے غور کیا کہ /planet میں انسٹال کروں کہ نہیں۔ تنگ آ کر وہی کر دیا کہ جب سیٹ ہو جائے گا تو ڈائریکٹری تبدیل کردونگا۔ لیکن منحوس نہیں ہوا۔ ویب پر بہت سرچ کیا کہ کچھ معلوم پڑے کوئی آسان ٹیوٹوریل لیکن کہاں جی۔ لیکن اسی تلاش میں ایک اور چیز ملی۔ یہ تھی فیڈ جیک۔ اس کے فیچر تو اچھے لکھے ہوئے تھے لیکن سر کے اوپر سے سب کچھ گزر گیا۔ کسی صاحب کو علم ہو کہ اس فیڈ جیک کا کہیں آسان ترین ٹیوٹوریل؟ یا اس کو سیٹ کرنے کے لئے کسی قسم کی معلومات؟

گوگل کے کسٹم سرچ انجن کے بارے میں کچھ عرصہ پہلے لکھا تھا۔ اس پر میں نے تھوڑا سا کام کیا خوشی تو بہت ہوئی کہ بہت سے لوگ اور سائیٹس اب یونیکوڈ اردو میں ہیں بلکہ حیرانی ہوتی ہے کہ ہم اتنی زیادہ سائیٹس سے واقفیت نہیں رکھتے لیکن اس میں بہت سی سائیٹس یا فورم سیاسی موضوعات سے یا پھر اسلامی معلومات سے پر ملتے ہیں۔ مسئلے دو تھے ایک تو حل ہو گیا دوسرا نہیں ہوا۔ جو حل ہو گیا وہ یہ تھا کہ میں چاہتا تھا کہ اس کسٹم سرچ انجن پر جو سرچ کرے اس کے لئے آپشن ہو کہ وہ بجائے ان ساری اردو یونیکوڈ سائیٹس میں سرچ کرنے کے صرف مطلوبہ قسم کی سائیٹس میں سرچ کر سکے جیسے اگر کسی کو علم ہے کہ جو معلومات اس نے پڑھی تھی وہ کسی بلاگ پر تھی یا کسی فورم پر تو وہ اردو کسٹم سرچ انجن میں صرف شامل بلاگز یا فورمز پر سرچ کر سکے۔ یہ اس کے فیچر Refinements کے ذریعے ممکن ہوا۔ دوسرا مسئلہ یہ ہے کہ پتہ کیسے چلے کہ جو اسلامی معلومات دی گئی ہیں وہ صیح بھی ہیں۔ پہلے پہل میں سیاسی اور اسلامی سائیٹس شامل نہیں کرنا چاہ رہا تھا لیکن پھر سوال سامنے آ کھڑا ہوا کہ کیوں؟ ضروری نہیں کہ مجھے یا چند لوگوں کو یہ چیزیں شامل کرنا پسند نہیں تو end user کو بھی نہیں پسند ہونگی لہذا ان کو بھی شامل کرنا چاہئے۔ بلکہ اکثر لوگ تو نیٹ پر بڑی مزے مزے کی سرچ کرتے پائے جاتے ہیں ضروری نہیں کہ وہ جنس کے متعلق ہی ہو لہذا ان سائیٹس کو شامل کرنے پر بات رکی ہوئی ہے۔

گوگل ایڈسینس کے حوالے سے کچھ دلچسپ باتیں پتہ چلیں لیکن ان کی تک سمجھ نہ لگ سکی جیسے اگر ویب پیج asp میں بنا ہوا ہے تو گوگل کے اشتہارات نظر آتے ہین چاہے اس میں انگلش کا ایک لفظ نہ ہو لیکن php میں بننے والے صفحات میں ایسا نہیں ہے۔ ہاں اگر php صفحات تک سرچ کے کے پہنچا جائے تو ان پر اشتہارات نظر آتے ہیں لہذا اردو بلاگر دل چھوٹا مت کریں اور لکھتے رہیں اللہ کرم کرے گا ویسے میرا یقین کریں میں خود بڑا جیلس ہوں۔ قدیر صاحب tripple figures میں رقم وصول کر چکے ہیں۔ جہانزیب کے نئے ہوسٹ پر منتقل ہوتے ہی پہلے ہفتے میں 8 ڈالر بنے ہیں۔ اس کے بعد بات نہیں ہوئی امید ہے کافی اچھی رقم بن گئی ہو گی۔ لہذا صبر کریں میں بھی آپ کے ساتھ ہوں۔

گوگل نے کچھ عرصہ قبل measuremap کو خریدا تھا میں تب سے اس کی beta testing کے لئے بیتاب ہوں لیکن ابھی گوگل نے اپنی سروس google analytics کو اپڈیٹ کیا ہے اور اس کا لک اور فیل بالکل measuremap جیسا ہے۔ کم از کم مجھے تو اس کا نیا لک بہت اچھا لگا۔ (نقشے پر غور اسی نے شروع کروایا ) گوگل نے analytics کو اعدادو شمار فراہم کرنے والی فرم urchin کی خریداری کے بعد enhance کرے کے لانچ کیا تھا لہذا ابھی تک یہی علم ہے کہ سائیٹس کے لئے یہ بہترین ہے کہ جبکہ  measuremap بلاگز کے لئے ہے۔ دیکھیں کب ہاتھ لگتی ہے۔

گوگل میپ کے حوالے سے ایک نیا آئیڈیا تھا کہ اگر ایسا ہو سکے کے کسی نقشے پر خود کسٹم مارکنگ کی جا سکے جیسے نقشے پر مختلف سڑکوں کو اس طرح مارک کرنا کہ معلوم ہو کہ کہاں جانا ہے اور کہاں نہیں۔ مجھے اس کا خیال اس طرح آیا کہ اگر dmv کا روڈ ٹیسٹ دینا ہو تو بندہ علاقے کا نقشہ نکال کر اس کو مارک کرے دے کہ وہ پہلے کہاں لے کر جاتے ہیں اور پھر کس روٹ سے ہوتے ہوئے کہاں لے جاتے ہیں۔ اس سے فائدہ یہ ہو گا کہ لوگ جو گھبرا جاتے ہیں وہ اس راستے پر ایک دفعہ پریکٹس کر کے چلے جائیں۔ جیسے کافی عرصہ پہلے کسی صاحب کو پتہ تھا روٹ کا تو انہوں نے اپنی بیگم کی قابلیت دیکھتے ہوئے پہلے ان کو اس روٹ پر پریکٹس کروائی پھر ٹیسٹ دلوایا۔ ونڈوز لائیو میپ پر تو میں دیکھ چکا ہوں کہ اس کے تھری ڈی میپ پر یہ کرنا ممکن ہے لیکن تین دن ہو گئے میں نے ابھی تک اس کو دوبارہ کھول کر مزید تجربات نہیں کئے۔

انٹرنیٹ پر ٹی وی اب عام ہوتا جا رہا ہے۔ باہر رہنے والے اکثر لوگ تو بڑے بڑے ٹی وی لے کر اس سے لطف اندوز ہوتے ہیں لیکن اب ان لوگوں کے لئے جنکو صرف ایک یا دو چینلز کے لئے مہنگے cable service providers سے رجوع کرنا پڑتا ہے جیسے یہاں کیبل سستی ہے لیکن پاکستانی چینلز کے لئے ہمیں dish network لینا پڑتا ہے تو ان کے لئے انٹرنیٹ پر ٹی وی ہے اس سائیٹ کا نام ہےjumptvv اور یہاں اکثر چینلز کی سبسکرپشن 5 ڈالر ہے۔ اس پر میرے ایک جاننے والے اپنے ملک کے چینلز دیکھ رہے تھے تو مجھے اس کا علم ہوا۔ اس کے بعد کسی اور جگہ سے میل آ گئی ایک اور ٹی وی سروس کی جس سائیٹ کا نام ہے joost یہ ابھی بیٹا سٹیج میں ہے اور مجھے معلومات فراہم کرنے والے صاحب نے کہا تھا کہ مختلف بلاگز پر ان کی beta invitation دیکھوں۔ میرے پاس اتنا وقت کہاں ہوتا ہے لہذا اگر کسی کو مزید کچھ علم پڑے تو مجھے بھی شامل حال کرے۔

اتنی قیمتی معلومات پہنچانے کے لئے قدیر صاحب کے ٹیکنالوجی بلاگ کے نہ استعمال کرنے پر میری گو شمالی ہو سکتی ہے لیکن چونکہ ساری چیزیں مجھ سے ریلیٹڈ ہیں اور میں نے بیچ میں الٹی سیدھی باتیں لکھنی ہوتی ہیں لہذا یہی پر لکھ دیں۔ کسی صاحب کے دل سے میرے لئے نہ بھی دعا نکل رہی ہو تب بھی کر دیں آج کل کافی ضرورت ہے، دعاؤں کی ۔

Popularity: 5%