بدتمیز

کل پاکستان کے حوالے سے دو باتیں لکھنا بھول گیا۔ حالانکہ یاد بھی تھا کہ سب سے آخر میں ضرور لکھنی ہیں۔ لیکن دماغ سے کھسک گئیں۔

پرسوں اور پرسوں سے ایک دن پہلے پاکستانی اخبارات میں ایک عجیب اشتہار نظر آیا۔ پہلے دن تو صرف تابکاری کا نشان تھا اور کہا گیا تھا کہ اس کو پہچانتے ہیں؟ پھر اگلے دن مزید تفصیل دی گئی کہ یہ کیا ہے اور اگر کسی چیز پر یہ نشان نظر آئے تو اس کا کیا کرنا ہے۔ اس سے دو میٹر دور رہیں اور اس فون پر اطلاع کریں۔

ایسے اشتہار کو پڑھ کر ذہن میں کیا خیال آتا ہے؟ یہی کہ جب روس تک میں ایسی چیزیں چوری ہو جاتی ہیں تو ضرور پاکستان میں بھی چوری ہو گئیں۔ اس لئے یہ اشتہار دیا جا رہا ہے۔اس حوالے سے میرا خیال تھوڑا مختلف ہے۔

جہاں میں رہتا ہوں یہ جگہ 17000 نفوس پر مشتمل ہے۔ اگر یہ پاکستان کا حصہ ہوتی تو یہاں شائد ایک بھی فائر اسٹیشن نہ ہوتا۔ چونکہ یہ وہ جگہ ہے جہاں حکومت عوام کو جوابدہ ہے لہذا ان 17000 لوگوں کے لئے 2 فائر اسٹیشن ہیں۔ شائد کوئی تیسرا 95 ہائی وے کے اس طرف بھی ہو مجھے علم نہیں۔

اب ایسے ہی ذہن میں خیال آیا تھا کہ یہ تو ہو نہیں سکتا پاکستان کے کسی ادارے سے یہ چوری ہو تو حکومت اشتہارات بھی دے۔ اس سے تو فٹ امریکہ کہے گا کہ پاکستانی نیوکلئیر ٹیکنالوجی محفوظ ہاتھوں میں نہیں۔ میرے خیال سے یا تو اطلاعات ہونگی کہ کچھ چرانے کی کوشش ہو سکتی ہے یا پھر اطلاعات ملی ہونگی کہ اب امریکہ پر جو چھوٹے پیمانے پر ایٹمی یا کیمیاوی ہتھیار استعمال کرنے کی دھمکیاں ہوتی تھیں وہ پاکستان میں ٹیسٹ ہونے لگی ہیں۔ ویسے اچھی ترقی ہو گی خالی بم دھماکوں سے ہم ترقی کر کے خود کش تک آئے تھے اب ایک قدم اور سہی۔اور ہمارے پاس کسی بڑی شہر کو کور کرنے کے لئے مکمل فائر اسٹیشن تک تو ہیں نہیں تو اگر یہ مواد پشاور سے ملے اور وہ فون کر بھی دیں تو اس جگہ تک امداد پہنچنے میں کتنی دیر لگے گی؟ مجھے تو یہ اشتہار خانہ پری لگی۔

ملک میں بدامنی اور انتشار کبھی بھی مثبت تبدیلی نہیں لاتا۔ صدر مشرف یا حکومت اس وقت کیلے سے پھسل چکی ہے اور یہ جو ہے یہ سب گرنے سے پہلے بچنے کے لئے بندہ جو عجیب عجیب ہاتھ پاؤں نہیں مارتا یہ وہ چل رہا ہے۔ اس کے بعد تو یا تو گرا جاتا ہے یا قسمت ساتھ دے جائے تو بندہ بچ جاتا ہے۔ ویسے دنیا کے سبھی مسلمان اس سکھ کی طرح ہیں جو مسلسل دو دن انجانے  میں کیلے کا شکار ہو کر گرا۔ تیسرے دن تہیہ کیا کہ زمین پر دیکھ کرے چلے گا۔ کچھ دور چلنے کے بعد کیلے کا چھلکا پڑا نظر آیا تو کہتا “او ہو آج پھر گرنا پڑے گا۔” یہی حال ہمارا ہے بچاؤ کرنے کی پلاننگ بہت کرتے ہیں بچاؤ کا ٹائم آئے تو کچھ نہیں کرتے۔

ہمارے ملک میں سیاسی بدامنی اب دہشت گردی کو جنم دے رہی ہے۔ اگر بدمعاشوں کو عہدے اور اداروں میں بھرتی کرنے کے بجائے کیفر کردار تک پہنچایا جاتا تو اچھا تھا۔ چھوٹے ہوتے مجھے فلمیں دیکھنے کا بڑا چسکا تھا۔ ایس ٹی این یا ایم ٹی این آیا تو اس نے روزانہ رات کو ایک پاکستانی فلم لگانی شروع کی میں نے روزانہ دیکھنی شروع کی۔ اسمیں محمد علی کی ایک فلم تھی جس میں یہ ڈاکوؤں کے گروہ میں شامل تھا۔ ان کی کسی بات پر ان بن ہوتی ہے تو گروہ کے دو حصے ہو جاتے ہیں۔ مخالف آنکھ کے اشارے سے اپنے دو بندے محمد علی کے گروہ میں شامل کر دیتا ہے۔ نہ جانے کیوں جتنے بھی لوگ صدر مشرف کے گرد دوسری پارٹیوں سے ٹوٹ کر جمع ہیں ان میں سے کچھ مجھے حکم پر شامل لگتے ہیں تا کہ اندر کی خبر ملتی رہے۔

جناب صدر مسئلہ آپ کے مشیروں کی غلطی سے سیاسی مسئلہ بن گیا۔ ویسے وردی میں رہنے کے لئے بھی آپ نے اس کو سیاست میں گھسیٹا۔ ویسے اس غبارے سے ہوا نکالنی کوئی مشکل نہیں۔ آپ اعلان کر دیں کہ چیف جسٹس وزیراعظم کے عہدے کے لئے لڑیں اور جیتیں تو آپ یہ وہ کر دیں گے یہ وہ میں کوئی بھی وعدہ سیٹ کر لیں چیف جسٹس جیت تو سکتے ہیں لیکن اگر فری ن فئیر الیکشن ہو نہ ایسے الیکشن ہونگے نہ چیف جسٹس چیتے گیں۔ ویسے ابھی یہ ساری پارٹیاں ان کے ساتھ ہیں اس اعلان کے ساتھ ہی وہ بیک ہونا شروع ہو جائیں گیں۔ سر جی یہ سب کے سب چور ہیں۔ مخلص ہوں تو آپ ایک دن کے لئے  نہ چل سکیں۔

اب یہ ایک مزے کی ویڈیو۔ نہ جانے کیوں دیکھ کر فٹ پاکستانی سیاست کا خیال دل میں آتا ہے۔

Video: FINGER PAINTING

Popularity: 29%