o_O بدتمیز

امریکی عوام واضح طور پر جنگ کے خلاف ہو چکی ہے۔ 6 سال کے طویل عرصے میں صدر بش کا اسٹیج کیا ہوا ڈرامہ اختتام پذیر ہے۔ اگر کوئی کہے کہ صدر بش اینڈ کمپنی بری طرح ناکام ہوئی ہے تو یہ اس کی بےوقوفی ہی ہو گی۔ صدر بش اپنے مقاصد میں کامیاب ہو چکے ہیں۔ ڈرامہ اختتام پذیر ہے۔ میرے ذاتی خیال سے شائد صدر بش کانگریس کا بل ویٹو نہ کریں اور اگر کرتے بھی ہیں تب بھی کانگریس کوئی نہ کوئی راستہ نکال ہی ہے گی۔ ابھی بس نورا کشتی ہو رہی ہے۔

میں کتنے عرصے سے اخبارات میں پڑھ رہا ہوں کہ فلاں تنظیم کی طرف سے over seas امریکی فوج کے لئے یہ کیا گیا اور فلاں کی طرف سے یہ۔ یعنی لوگ کھل کر صدر بش پر تنقید کر رہے ہیں لیکن امریکی فوج کا وقار وہی کا وہیں ہے۔ تاثر یہ دیا جا رہا ہے کہ بحیثیت ادارہ یہ ملک کے سربراہ کے انڈر ہے اور وہی اس سے مختلف کام لے رہے ہیں لہذا قصور صدر کا ہے جبکہ فوجیوں کو ان کے حصے کا احترام دیا جا رہا ہے۔

ریسلنگ سے ہر کوئی واقف ہے۔ wwe شائد سال میں دو دفعہ عراق اور افغانستان اپنا سارا سیٹ اپ لے کر جاتا ہے ان فوجیوں کا دل بہلانے کے لئے۔ کم از کم سال میں ایک دفعہ تو لازمی جاتا ہے۔

یہاں پاس ہی کسی کاؤنٹی کی مڈل اسکول کی طالبات ایک ایسے پروگرام میں حصہ لے رہی تھیں جن میں یہ over seas فوجیوں سے خط و کتابت کرتی ہیں یعنی قلمی دوستی۔ ان میں سے دو طالبات کے امریکی فوج کو چند تحائف بھیجنے پر عراق میں امریکی فوج کے کمانڈر نے ان کو وہ امریکی پرچم جوابی تحفے کے طور پر بھیجا جو کہ عراق میں امریکی اڈے یا سفارتخانہ پر لہراتا تھا۔

اسی طرح جونئیر اسکول کے بچوں کی طرف سے رنگا رنگ تصاویر والے کتنے ہی خطوط روزانہ ان فوجیوں کو روانہ کئے جاتے ہیں۔ یہ اسکول بھی کسی کاؤنٹی کا ہی ہے۔ اس پروگرام میں حصہ لینے والے بچے مختلف تصاویر بنا کر ان کو کلر کر کے امریکی فوج کو روانہ کرتے ہیں۔

اسی طرح ایک پروگرام ہے جس کا دفتر Petersburg میں ہے۔ اس پروگرام کے تحت veteran یعنی وہ لوگ جو کسی جنگ پر گئے تھے اپنے تجربات قلمبند کر کے ان overseas فوجیوں کو روانہ کرتے ہیں۔ اس مقصد کے لئے تمام اسٹیشنری امریکی پرچم اور امریکی نشان eagle سے سجائی گئی ہے۔ یہ تمام آرگنائزیشن اپنے پیسوں پر یہ کام کرتی ہیں اور حکومت سے ایک ٹکا نہیں لیتی۔

اسی طرح ایک نوجوان صاحب کو امریکی فوج کے اہل خانہ پر ترس آیا تو انہوں نے ایک پروگرام منعقد کرنے کی ٹھانی۔ جس کے تحت لوگوں سے درخواست کی گئی کہ اپنے پرانے موبائل فون۔ ink cartridges اور ایسی تمام الیکٹرونکس جو ان کے کام کی نہیں وہ دے دیں تا کہ اس کو ری سائیکل کر کے امریکی فوج کے لئے کالنگ کارڈ خریدیں جا سکیں تا کہ ان کے اہل خانہ سے بات چیت ممکن بنائی جا سکے۔ جس دن پروگرام منعقد ہونا تھا۔ (اپریل کے شروع میں کسی دن) اس دن یہ صاحب I95 پر پروگرام کی سائیٹ پر جاتے ہوئے ایک حادثے کا شکار ہو کر چل بسے۔ ان کے اہل خانہ نے اس دن تو یہ موخر کروا دیا لیکن بعد میں ابھی ہفتہ قبل اس کا انعقاد کروایا گیا۔ 1600 کے قریب موبائل اکٹھے ہوئے اور باقی چیزیں الگ۔

یہ تھا لوگوں کا تجزیہ کہ لوگ کیسے ہیں۔ اب حکومت کا دیکھتے ہیں۔ اسی ماہ ایک صاحب امریکی فوجی ادارے کے خلاف مقدمہ جیتے ہیں۔ ان کا بیٹا عراق میں مارا گیا۔ یہ اس کی لاش لینے گئے تو حیران کہ معمولی سا تابوت تھا۔ عراق سے لانے کے لئے خاص طیارے کے بجائے سامان ڈھونے والے طیاروں میں ان لاشوں کو لایا جاتا ہے جس کے لئے کئی کئی دن انتظار کیا جاتا ہے اس کے بعد تابوت کو عزت و احترام کے ساتھ اتارنے کے بجائی fork lifter کے ذریعے جہاز سے اتار کر گودام میں جمع کر لیا جاتا ہے۔ ان صاحب کو یہ سب جان کر بڑا دھچکہ لگا۔ نتیجتا عدالت میں گئے اور مقدمہ جیت لیا۔ اب عدالتی حکم کے باعث fork lifter کے بجائے یہ تابوت پورے اعزاز کے ساتھ اتارے جاتے ہیں ان کے لئے خاص طیارہ ہے اور ان کو امریکی پرچم میں لپیٹا جاتا ہے۔

کہنے والی بات یہ ہے کہ حکومتیں ہر جگہ ایسی ہی ہوتی ہیں۔ یہ عوام پر منحصر ہوتا ہے کہ وہ کیا ہے اور کیسی ہے۔ یہ لوگ ہم میں سے ہی آتے ہیں آسمان سے آنے سے تو رہے۔ ہم لوگ الزام تراشی تو کرتے ہیں لیکن خود کو صیح کرنے سے کتراتے ہیں۔ کیا ہم فوج کو چھوڑ ایسا عزت احترام اپنے کسی جاننے والے کو دیتے ہیں؟

Popularity: 12% [?]