بدتمیز

میرا آج کل پھر دماغ خراب ہو رہا ہے۔ وجہ یہ ہے کہ یہاں آپ جس چیز کی طرف ہاتھ کریں وہ خود بخود آپ کی طرف کھسکنا شروع ہو جاتی ہے۔ اب آپ کا ہاتھ ایک چھوٹے سے بچے کی طرح ہر چیز کی طرف بڑھنا شروع ہو جائے تو ذرا مشکل ہو جاتی ہے۔

ابھی ہر ہفتے کچھ نہ کچھ منگوایا جا رہا ہے اور دل ہے کہ کہیں فل اسٹاپ لیتا ہی نہیں۔ ایک چیز پوری ہوتی ہے تو دوسری کے پیچھے پڑ جاتا ہے۔ (یہ اور بات ہے کہ ابو سے لے کر بھائی اور کزن تک سب کو پتہ ہے کہ یہ سوچے سمجھے بغیر چیز لے دے گا تو وہ بھی مجھے اپنی فرمائشیں ریکارڈ کراتے ہیں۔ ابو تو پیسے دگنے دے دیتے ہیں باقی چیز لے کر شکریہ کہنا بھی بھول جاتے ہیں ) اب میں نے کتنے عرصے سے nokia n90 پر نظر رکھی ہوئی تھی کہ یہ لینا ہے۔ اب یہ 350 کے آس پاس مل رہا ہے تو nokia n95 دیکھ لیا۔ اب میرا اس پر دل آ گیا ہے۔ اس کے فیچر ہی اتنے کمال کے ہیں۔

لیکن مسئلہ یہ ہے کہ nokia n95 ہے 800+ کا۔ اگر کیرئیر کے ساتھ لیں تو 700 ڈالرز کا۔ (امریکہ میں موبائل کمپنی کو کیرئیر کہتے ہیں) میں چاہوں تو ایک جھٹکے میں ابھی کے ابھی لے لوں لیکن دل نہیں مانتا کہ ایک موبائل پر 700 ڈالرز خرچے جائیں۔  اس سے زیادہ مزے کے بات ہے کہ ابھی nokia n91 4gb music edition دیکھ لیا ہے۔ (ہے نا دماغ خراب؟) بس جی اب سمجھ نہیں لگتی کہ کیا کروں؟ nokia n90 کا بھوت تو اتر گیا ہے کیونکہ مجھے flip phone بالکل نہیں پسند۔ nokia n90 واحد فون تھا جو مجھے فلپ ہونے کے باوجود پسند تھا۔ اب جب دیکھا کہ nokia n91 کیرئیر کے ساتھ لو تو وہ 249 کا پڑے گا تو بس میں نے بڑی مشکل سے اپنے آپ کو روکا ہے کہ آرڈر نہ کروں۔ تھیکنس منزہ بی بی دیکھو کب تک تمہاری کوشش کامیاب ہوتی ہے اور میں نہیں خریدتا۔

میرے پاس اس وقت nokia 6030 ہے۔ یہ بڑی عجلت میں خریدا تھا وہ بھی جب کڑکا تھا اور کسی وجہ سے لینا پڑا تھا مجھے فون تو کہیں بھی نہیں کرنا ہوتا لیکن بس دماغ کا فتور کبھی کبھی بندے کو چین نہیں لینے دیتا۔

مجھے موبائل فون پہلی دفعہ یونیورسٹی میں داخل ہو کر ملا تھا کہ بچہ سارا سارا دن گھر سے غائب رہتا ہے تو پتہ چلتا رہے کہ خیر خیریت سے ہے۔ جس زمانے میں میرے چاروں طرف مہنگے سے مہنگے اور کلر اسکرین والے موبائل تھے پلس کیمرے والے تب میرے پاس پیلی اسکرین والا موبائل تھا۔ یہ نوکیا کا وائرلیس ٹائپ سیٹ تھا۔ یعنی وہ بڑا سا سیٹ۔ مجھے اس سے بڑی نفرت تھی۔ لہذا میں نے اس کا گلا گھونٹ کر رکھا ہوا تھا۔ یعنی رنگ ٹون بھی بند تھی اور viberator بھی آف کیا ہوا تھا۔ نتیجے  میں میرے ابو اور چاچو کو بہت شدید اور دوستوں کو عام طور پر غصہ ہوتا تھا کہ فون کس لئے رکھا ہوا ہے۔ میرا جواب تھا کہ یہ selfishfone اس لئے نہیں کہ لوگ مجھ سے کانٹیکٹ کر سکیں یہ اسلئے ہے کہ مجھے ضرورت ہو تو میں استعمال کر سکوں۔

میں نے یہ فون 6 ماہ رکھ کر ہی ریٹائر کر دیا۔ اس کے بعد بڑی مشکل سے ضد کر کے Samsung x100 لیا تھا۔ ابو تو پہلے کی طرح پھر سیکنڈ ہینڈ لے رہے تھے لیکن مجھے شروع سے ہی سیکنڈ ہینڈ چیزوں سے بہت نفرت ہے۔ اول تو میں بے صبرا ایسے حالات میں صبر کی انتہا کر دیتا ہوں اور اگر کسی وجہ سے لینی پڑ جائے تو پھر موقع ملتے ہی اس سیکنڈ ہینڈ چیز کو ٹھکانے لگا دیتا ہوں۔ لہذا بڑی مشکلوں سے Samsung x100 بالکل نیا لیا۔ یہ مجھے اس قدر پسند + عزیز تھا کہ میں اس کو اپنے ساتھ یہاں لے آیا ہوا ہوں۔ ابھی بھی اندر پڑا ہے۔ سوچ رہا ہوں اس کا یہاں کا چارجر خرید لوں

جی تو واپس آتے ہیں nokia ns کی طرف کہ کونسا لیں۔ ویسے تو مجھے ہر کوئی یہی کہہ رہا ہے کہ

نہ رے نہ

نہ رے نہ

لیکن مسئلہ یہ ہے کہ nokia n90 کی اہمیت  nokia n91 کے سامنے ختم ہو گئی ایک تو قیمت میں 100 ڈالر کا فرق کہ nokia n91  کی قیمت پورے 100 ڈالر کم ہے۔ دوسرے اس میں 4gb کی میموری میوزک کے لئے دی گئی ہے۔ لیکن nokia n95 بھی تو ہے۔ اب بندہ انتظار کرے nokia n95 کی قیمت کم ہونے کا یا ابھی n91 لے لے اور بعد میں n95 بھی لے لے۔ دیکھیں ہیں نہ دماغ خراب؟

ویسے یہ ساری بک بک لکھتے ہوئے مجھے نہ جانے کیوں وہ لطیفہ یاد آ رہا ہے جس میں ایک پاگل ڈاکٹر کو پاگل کر دیتا ہے کہ میں نے جس عورت سے شادی کی میرے بیٹے نے اس کی ماں سے شادی کر لی اینڈ سو آن

اب اگر اللہ کے کسی نیک بندے نے کوئی رائے دینی ہو تو بصد شوق۔ اگر کسی نے میرے دماغ کے فتور دور ہونے کے لئے دعا کی ہے تو بہت مہربانی اور اگر  کسی نے خرید کر بھیجنا ہو تو میں ایڈریس لکھوا دوں؟ :P:P:P

thanks to dinkymind for showing me a gsmarena site for mobile fone specifications and thanks to qadeer ahmad for fwdin me to her post.

Popularity: 19%