نیویارک میں پینڈو

انکل کسی کام سے نیویارک جا رہے تھے۔ میں نے سوچا پاکستان میں تو لاہور دیکھ کر پیدا ہوا جاتا ہے امریکہ میں شائد نیویارک کو دیکھ کر پیدا ہوا جاتا ہو لہذا ہم بھی چل پڑے۔ نیویارک بہت بڑا اور بہت رش والا شہر ہے۔ ایک سال سے یہاں رہ رہ کر میں بھی رش نہ دیکھنے کا عادی ہو گیا ہوں اس لئے بہت عجیب لگا۔ خیر لاہوریت شائد انگڑائی لے کر جاگ اٹھے تو ہم بھی رخت سفر باندھیں۔

تصاویر ڈیلیٹ کر دی گئیں۔

اس پل کا نام بھول گیا۔ ویسے زنگ سے اندازہ لگائیں کہ امریکہ کتنا غریب ہو چکا ہے۔ صدر بش نے پلوں تک پر خرچ ہونے والی رقم جنگ میں جھونک دی ہے۔ جہانزیب کا کہنا تھا کہ سارا سال لوگ ان پلوں پر کام کرتے رہتے ہیں سوائے سردیوں کے۔ خیر میرے خیال سے ایکسٹر اخراجات کہیں نہ کہیں عوام پر خرچ ہونے والی رقم سے نکال کر ہی پورے کئے جاتے ہونگے۔

ان دو تصاویر میں سے الٹے ہاتھ والی تصویر میں ایک معلومات چھپی ہے۔ سیدھے ہاتھ والی تصویر اس معلومات کو ڈھونڈنے میں شائد کسی حد تک مدد کر سکے۔ بوجھنے والا بےحد ذہین ہو گا۔ اشارہ دے دیتا ہوں کہ یہ ائیر پورٹ پر ٹرمینلز کی تصویر ہے۔

یہ ائرپورٹ سے شہر کو ملانے والی ریل گاڑی کا اسٹیشن سا ہے۔ یہ ریل گاڑی زمین پر چلنے کی بجائے پلروں پر معلق پٹری پر چلتی ہے۔ نیویارک میں زمین ختم ہو گئی ہے۔

یہ ایک نیا سیکیورٹی فیچر ہے۔ پہلے یہ  نہیں ہوتا تھا۔ اب یہ آپ کا ٹکٹ نمبر اور پاسپورٹ نمبر لکھتے ہیں۔ شائد کمپیوٹر سے اعتبار اٹھ گیا ہے اور لوگ پیچھے کو جا رہے ہیں۔

یہ ٹچ سکرین ہے۔ سائز خود دیکھ لیں۔ اس اسکرین پر نہ جانے کیا الم غلم تھا۔ میں نے تو پڑھا نہیں۔

یہ نیچے ڈیوٹی فری شاپس ہیں ہم یہاں سے خریداری کر کے پاکستان بھیج چکے ہیں۔ اپنے لئے ہائی وے سے خریدا۔

Popularity: 8% [?]