بدتمیز

نومبر 2006 کے مڈ ٹرم الیکشن نے مجھے ایک بڑا فرق سمجھایا۔ امریکی سیاست اور پاکستانی سیاست میں۔ اب کوئی کہے اسلامی نظام ہونا چاہئے اور کوئے کہے برٹش نظام فرسودہ ہے۔ اب نئے قوانین لانے چاہئے۔ قوانین جتنے مرضی لے آئیں اگر ان پر عمل نہیں تو کچھ حاصل نہیں ہونے کا۔ امریکی سیاست شخصی اثر یا تسلط سے آزاد ہے۔ جبکہ ہماری سیاست شخصی سیاست ہے۔ اقتدار اور دوسرے نشے خود پسندی پر اتنا مائل کر دیتے ہیں کہ جمہوریت بھی آمریت بن جاتی ہے۔

آپ دیکھیں شہباز شریف اگر بھائی نہ ہوتے تو نوازشریف کے ہوتے ہوئے کبھی اتنی مقبولیت حاصل نہ کر سکتے۔ بے نظیر کو اگر جنرل صاحب آنے دیتے تو امین فہیم کبھی اتنی پبلسٹی حاصل نہ کر سکتے۔ دینی جماعتوں کے سربراہان جنکو دین کا پتہ نہ فقہ کا ایک لفظ شریعت کے حکیم بنے پھرتے ہیں۔ صدر کو دیکھ لیں ان کے آگے کسی کا نہیں پتہ۔

ہماری ایک اور بڑی عادت جو خواص سے عام عوام تک میں ہے کہ think outside the box کی ٹرم سے واقفیت نہیں ہے۔ ایک ہی ہانکی جاتے ہیں۔ اب اگر ان کی ہانکی ہوئی کسی بات کو کہیں quote کر دیا جائے تب تو وہ ایسے سرور میں آتے ہیں کہ سبحان اللہ۔ ایسے ہی ایک صاحب کا نشہ سال قبل اترا ہے۔ پاکستانی اخبارات کا اگر آپ مطالعہ کریں تو ایک اور کالم نگار کا مضمون کہیں quote کیا گیا اور اس کے بعد ان کی طرف سے یکے بعد دیگرے ویسے کالموں کی بھرمار ہو گئی۔

پاکستان کی موجودہ صورتحال پر ایسے کالم وہ بھی یکے بعد دیگرے دیکھ کر بندہ سوچنے پر مجبور ہو جاتا ہے کہ اس کو عقل نہیں؟ صدر کو نکالنے کی بات کی جاتی ہے لیکن کیا اس شخصی نظام میں کوئی اور ایسا ہے کہ وہ قیادت سنبھال سکے؟ صدر کو نکالنا چاہئے میں ان کی پالیسیوں کے حق میں نہیں لیکن صدر کے علاوہ میرے پاس اور کیا آپشن ہے؟ صدر کے گناہ بہت بڑے بڑے ہیں ان کے بیانات بھی کچھ پسندیدہ نہیں لیکن کیا صدر کو نکال باہر کرنا مسئلہ کا حل ہے؟

ایک اور مشہور ٹرم ہے read between the lines یعنی جو کہا جا رہا ہے اس پر دھیان کم دو بلکہ جو نہیں کہا جا رہا اس پر دھیان دو۔ صدر کا وردی کے معاملے پر بیان تھا دسمبر آنے دیں پھر دیکھیں گیں۔ اس کا مطلب سبھی کو معلوم ہو چکا ہے۔

صدر کا بیان ہے کہ جو بھی ہو گا آئین اور قانون کے مطابق ہو گا۔ اس کا دوسرے کیسے تجزیہ کرتے ہیں مجھے علم نہیں لیکن مجھے سمجھ لگتی ہے کہ “اگر حالات قابو سے باہر ہوئے تو مارشل لا لگ سکتا ہے۔ ضروری نہیں میں “جنرل پرویز مشرف” لگاؤں۔ یہ کوئی اور بھی لگا سکتا ہے۔”

اس خیال کو اس بات سے بھی تقویت ملتی ہے کہ اگر صدر بش ایران پر حملہ کرنے پر آمادہ ہیں اور ابھی ٹیکنالوجی اس قدر ترقی یافتہ نہیں ہو سکی کہ ایٹم بم کو اس کے ملک میں ناکارہ بنایا جا سکے تب تو وقتی طور پر پر امن پاکستان امریکہ کی بھی ضرورت ہے۔

ایک اور بے حد اہم بات کبھی ہمارے معاشرتی رویوں کو تنقید کا نشانہ بنایا جاتا ہے۔ کہ ہم احتجاج پر امن نہیں کرتے توڑ پھوڑ کرتے ہیں یا ووٹ کی طاقت سے زیادہ سڑکوں پر تماشے کرتے ہیں لیکن اگر اب یہی عوام گھر میں بیٹھی ہے اور اس کو علم ہے کہ یہی بندر پھدک کر صدر مشرف کی گود میں جمع ہیں اور ان کے جانے پر نئے آنے والے کی گود میں ہونگے تو اس پر اعتراض ہے کہ باہر نکل کر حکومت گرا دے۔ بات وہی ہے کہ صدر کے بعد کون متبادل کے طور پر موجود ہے؟

Popularity: 10%