بدتمیز

قدیر احمد رانا کافی کھلے آدمی ہیں۔ ان کا قول ہے کہ یار بھلے اکیلے میں جوتے لگا لو لیکن سب کے سامنے کچھ مت کہو۔ چونکہ ان کی سننا بےوقوفی ہے تو ان کی کوئی نہیں سنتا۔ بہاروں کا شمار کریں تو ان کا ٹین ڈبہ بج چکا ہے۔ یعنی ٹین ایج سے یہ بچھڑ چکے ہیں لیکن دماغی طور پر ابھی تک ٹین ایج میں ہیں۔ شنید ہے کہ بچپن میں یہ سر کے بل گرے تھے لہذا تب سے دماغی طور پر ایسے ہیں۔

انہوں نے اپنے بلاگ پر ایک سلسلہ شروع کیا ہے جس میں آپ کو چند ایسی چیزیں بیان کرنی ہے جو آپ کو ناپسند ہیں۔ ان باتوں کی تعداد کم از کم 10 ہو تو مزہ بھی ہے۔ میں نے سوچا بیان کرنے سے پہلے ذرا ان کی شان میں گستاخیاں بھی کر لوں۔ جی تو لسٹ حاضر ہے

مجھے ناپسند ہیں۔

انڈین ڈرامے۔ خاص طور پر اگر میرے ہوتے وہ چل رہے ہوں۔

جیو کے انڈین نما ڈرامے۔

اگر کوئی حد سے زیادہ میرا شکر گزار ہو۔

سردیوں میں صبح صبح اٹھنا۔

سوتے کے دوران اٹھایا جانا یا کمرے میں روشنی۔

باہر سے گھر آنا اور آگے سے دروازہ کا بند پانا۔ (خاص طور پر اگر سب سامنے ہی بیٹھے ہوں)
کریڈٹ کارڈ کمپنیاں

کسی کا میرے سر پر چڑھنا یا میرے معاملے میں ٹانگ اڑانا۔

کسی کا خوامخواہ میں نخرے دکھانا یا انجان بننا۔

کسی کا میری چیزوں کو چھیڑنا۔

جی تو اب میری باری ہے لوگوں کو ٹیگ کرنے کی تو میں ٹیگ کرتا ہوں خاور کھوکھر، جہانزیب، زکریا اجمل، میرا پاکستان (سر آپکو پہلے weird things about me کے حوالے سے بھی ٹیگ کیا تھا وہ پوسٹ ابھی تک ادھار ہے۔ جہانزیب آپ بھی واپس تشریف لا چکے ہیں آپ بر بھی یہ دونوں ٹیگ قرض ہیں)، اجمل انکل اور نعمان کو۔ اگر آپکا من کرے تو میری طرح آپ بھی قدیر صاحب یا میری شان میں گستاخی کر سکتے ہیں۔ لیکن قدیر صاحب کا میری شان میں گستاخی اس وقت تک ممنوع ہے جب تک میں ان کو کبھی ٹیگ نہیں کرتا۔

ps: اپنے دو نئے دوستوں کو بھی شامل کرنا چاہوں گا۔ راشد کامران اور فیصل۔ آپ دونوں کو بھی ٹیگ کیا گیا ہے۔ لہذا آپ پر بھی لکھنا فرض ہو گیا ہے۔

Popularity: 23%