o_O بدتمیز

گوگل کو روزانہ سبھی سرچ کے استعمال کرتے ہیں۔ کچھ نہیں بھی کرتے ہیں۔ جو لوگ کرتے ہیں ان کو معلوم ہو گا کہ اس پر sponsored results سب سے اوپر نیلے رنگ میں نظر آتے ہیں۔ آپ میں سے کتنے لوگ ایسے ہیں جنکو کسی نہ کسی چیز کا معلوم ہوتا ہے جیسے آپ کسی مشہور ویب سائیٹ کا نام جانتے ہیں لیکن ایڈریس میں بھول چوک ہو رہی ہے اب آپ اس کا نام لکھیں تو رزلٹس میں اس کا sponsored link بھی سامنے آتا ہے۔ آپ نے مزے سے اس پر کلک گیا اور ان کی سائیٹ پر پہنچ گئے۔

آپ میں سے کتنے ہونگے جو اس لنک کو نظر انداز کر کے نیچے سے ریگولر لنک پر کلک کر کے ان کی سائیٹ پر جاتے ہونگے؟ کم از کم میری ہر ایسی سرچ پر یہی کوشش ہوتی ہے کہ میں sponsored link کے بجائے ریگولر لنک کو استعمال کروں۔ آپ کہیں کہ یہ کیا تک ہوئی بھئی؟ جب انہوں نے سپانسرڈ لنک دیا ہی اس لئے ہے کہ ان کی سائیٹ پر لوگ جائیں تو اس کو کیوں نہ استعمال کریں؟ میری وجہ یہ ہے کہ مجھے اس سائیٹ کا علم ہے۔ میری اخلاقیات مجھے اجازت نہیں دیتی کہ میں خوامخواہ ان کا نقصان کروں اور اس لنک کو استعمال کروں جبکہ صرف پانچ سیکنڈ کے دیکھنے سے مجھے نیچے ان کا ریگولر لنک مل سکتا ہے۔

میرے پر سبھی کو کوئی نہ کوئی اعتراض ہے۔ میں عام طور پر اعتراضات کا جواب نہیں دیتا کیونکہ ہم دنیا میں کسی کو مطمئن نہیں کر سکتے۔ ہاں میری کوشش ہوتی ہے کہ میری وجہ سے کسی کو تکلیف نہ ہو۔ اگر کبھی کوئی ایسا واقعہ ہو بھی جائے تو میں معذرت کر لیتا ہوں اور آئندہ کے لیے کرنے سے پرہیز کرتا ہوں۔ میرے ایک دوست کافی ٹھیک ٹھاک انسان ہیں۔ ان کی باتیں لوگوں کو پریشان کرتی ہیں۔ مجھ سے بھی انہوں نے کچھ کہا تو میں نے بڑا عرصہ برداشت کیا۔ اب اتنے عرصے بعد پتہ چلا کہ انہوں نے اپنا بلاگ شروع کیا ہوا ہے۔ میں نے ایسے ہی گھنگالنا شروع کر دیا۔ کیوں کہ کسی وقت انہوں نے مجھے لنک کیا تھا تو میں ان کا بلاگ وزٹ کر آیا تھا۔ پھر ان کا بلاگ اس بلاک سے جہاں who link here والے تمام لنک شامل ہوتے ہیں کہ ان لوگوں نے آپکو لنک کیا ہوا ہے غائب ہو گیا۔ اب ایسے ہی گیا تو دیکھا کہ یہ میرے وہی دوست ہیں جو اب ملے ہیں۔ میں نے پوسٹ دیکھی تو وہی کی وہیں۔ جناب نے no follow استعمال کیا ہوا تھا۔

No follow عام طور پر سپیم روکنے کے لیے استعمال کی جاتی ہے کہ اگر آپ کو لگے سپیم بوٹس آپکی سائیٹ پر کمنٹس کے ذریعے کسی سائیٹ کے لنک دے کر اس کی رینکنگ بڑھانے کی کوشش کریں گے تو اس کا استعمال کریں اس سے سرچ انجن بوٹ اس سائیٹ تک نہیں جائیں گے اور اس کو لنک تصور نہیں کریں گے۔

میں اپنے دوست کی اس حرکت پر کچھ عرصہ تو خاموش رہا لیکن اب ان کی ایک اور بات مجھے کھل گئی۔ میرا نہیں خیال وہ یہاں اس پوسٹ کو پڑھیں گے لیکن آپ حضرات جو پڑھیں اور کبھی کسی کو لنک کرنے کا ارادہ ہو تو no follow کے استعمال سے پہلے اپنی باتوں پر بھی غور کریں۔ انسان کی چھوٹی چھوٹی باتیں اس کو شرمندہ بھی کرا سکتی ہیں اور اس کے بارے میں میرے جیسے انسانوں کے ذہن میں جو اچھا تصور بنا ہوتا ہے کو ٹھیس بھی پہنچا سکتی ہیں۔

 میرے خیال سے چونکہ وہ ایک پاکستانی ہیں لہذا کہیں نا کہیں وہ ایسی typical پات کر کے پاکستان کو بدنام کرتے ہیں۔ پھر بھی چونکہ اکثر مجھ سے کسی دوسرے کی بات کرتے ہوئے اس کو لنک کرنا یاد نہیں رہتا تو میں فرض کر لیتا ہوں کہ ان کا یہ مقصد نہیں تھا اور ان سے غلطی ہو گئی ہے۔

Popularity: 9% [?]