آج سے بائیس تئیس سال پہلے 21 جنوری کو دوپہر بارہ بجے زمین پر ہمارا نزول ہوا۔ عالم بالا اور دوسرے تمام عالم اس وقت ذہن میں گڈ مڈ ہیں لہذا بتانے سے قاصر ہوں کہ کس عالم سے نکل کر کس عالم میں شفٹ ہوا تھا۔ چونکہ عقلمند سب سوئے پڑے ہیں اور میرے جیسے بےوقوف سب جاگ رہے ہیں لہذا عقلمندوں سے پوچھ نہیں سکتا اور اپنے جیسوں سے پوچھنے سے بہتر ہے کہ چپ کر کے بیٹھا جائے۔ ہاں بتانے میں بتایا جا سکتا ہے کہ یہاں سے کوچ کر کے کدھر کا ارادہ ہے اور ماشاأاللہ کچھ تو ایسے سمجھدار ہونگے کہ ہمارے بتانے سے پہلے سمجھ چکے ہونگے کہ ہمارا زاد و راہ کس مقام کے لئے ہے۔
آج جب مڑ کر پیچھے دیکھتا ہوں تو غلطیوں اور کوتاہیوں کے ایک بڑے سے ڈھیر کو دیکھ کر شرمندگی ہوتی ہے۔ میرے گناہوں کی ایک طویل فہرست ہے جسمیں دن بدن کمی کے بجائے اضافہ ہی ہوتا جاتا ہے۔ نہ چاہتے ہوئے بھی ایسی ایسی غلطیاں مجھ سے سرزد ہوتی ہیں جن کا تصور ایک عام معصوم آدمی کے لئے روح فرسا ثابت ہو۔ ایسے میں بہکاوے کہ تم ایک انسان ہو اور غلطی نہیں کرو گے تو کیا کرو گے؟ تنہائی انسان کے ضمیر کو جگا دیتی ہے لیکن ایسے میں جب اسی ڈھیر کے پیچھے چھپے نیکیوں اور اچھائیوں کے چھوٹے سے ڈھیر پر نظر پڑتی ہے تو حیرانی ہوتی ہے کہ چلو مخلوق خدا کی نظر تو پہلے ڈھیر پر ہو گی کیا خدا بھی اس چھوٹے ڈھیر کو نظر انداز کر دے گا؟
زندگی، بے بندگی، شرمندگی کی تفسیر میری زندگی باعث حیرت بھی اور اور باعث شرم بھی۔ نوازنے والے نے کمی بالکل نہ کی لیکن احسان فراموشی اور نافرمانیوں کا جو ریکارڈ میں نے بنا ڈالا اس پر مخلوق کی طرف سے معافی تو کیا خالق کے غضب کے آ پہنچنے کا یقین ہو چلا ہے۔ ابھی تک میرا یقین اس کی رحمت سے ڈانواں ڈول تو نہیں ہوا لیکن میرے جیسے گمراہ اس کی رسی کو ڈھیل دینے پر بھی حماقت کی انتہا کرتے ہوئے اس کی رحمت گردانتے ہیں۔
امریکہ میں چھوٹے بچوں کا playground مختص کرنے کے لئے ایک رسی سی ملتی ہے جو ان کی کمر کے گرد باندھ دی جاتی ہے۔ والدین نے جہان تک ان کو جانے کی اجازت دینی ہوتی ہے وہاں تک رسی چھوڑتے ہیں اور جیسے ہی کوئی پاس سے گزرنا چاہے یا رش ہو جیسے ائر پورٹ کا لاؤنج وغیرہ یا پبلک پارک تو وہ آرام آرام سے رسی کھینچ لیتے ہیں۔ دعا کریں کہ میری رسی بھی اسی طرح دراز اور کھینچی جائے نہیں تو منہ کے بل گرنا مجھے نہیں پسند۔
Popularity: 8% [?]
Popularity: 8% [?]
242 views
Related Posts
- GPS On September 21, 2007, 5 Comments
- Amazon.com: TomTom One Portable GPS Automobile Navigator (Refurbished): Electronics I wanted to expand my playground so I was looking for a GPS. the one above is $159. I found another with a value of $199 that’s TomTom ONE Portable GPS Vehicle Navigation System, I don’t know what’s the difference between automobile navigator and vehicle navigation system
سال گرہ مبارک ہو!!! صدا خوش رہو
سلام
وش کرنے کے لئے شکریہ۔ دعا تو اچھی دی ہے پر کوئی رہنے دے تب نہ۔
مبارکاں۔۔
اللہ آپ کو سدھرنے کی توفیق عطا فرمائے آمین۔
آخر آپ کی طرح کا ایک آدمی بھی جاگ رہا ہے۔۔
سالگرہ مبارک!!!
آپ نے اپنی سالگرہ کو اس انداز میں پیش کرکے ہمیں مخمصے میں ڈال دیا ہے کہ آپ کی سالگرہ پر مبارک بار دیں یا پھر آپ کی عمر ایک اور سال گھٹنے پر افسوس کا اظہار کریں۔ آپ نے کسی کا بہت پرانا شعر سنا ہوگا جو کبھی نصاب کی کتاب میں پڑھا تھا۔
گھڑیال یہ دیتا ہے ہر آن منادی
گردوں نے گھڑی عمر کی ایک اور گھٹا دی
اچھی بات یہی ہے کہ آپ کو مبارکباد ہی دی جاۓ۔
سلام
تمام دوستوں کی مبارکباد کا بہت بہت شکریہ۔
بدتمیزیاں کہاں گم ہو گئیں ہیں؟ کچھ تو میدان میں آؤ بھائی۔
Happy birthday and many happy returns.
Thanks Nabeel and where is my gift?
جیس تم نے تحریر لکھی ہے ، مبارک دینے کی بجائے تعزیت کرنے کو دل چاہ رہا ہے ۔
میںاں! کہتے ہیں کہ نام شخصیت کا آئینہ دار ہوتا ہے ۔اس نام کو بدل ڈالو ، حرکتیں بھی درست ہو جائیں گی ۔
اور ماشاءاللہ آج کل تو خوفِ خدا بھی یاد آرہا ہے ۔ شاید اسی لیے مذہبی ماحول بنانے کے لیے نعتیں سنی جارہی ہیں ۔
قدیر احمد رانا تم مبارکباد دو یا تعزیت کرو بات تو ایک ہی ہے
نام بدلنا بڑا مشکل ہے یار کون بلدیہ کے دھکے کھائے۔
اور خوف خدا مجھے ہمیشہ سے ہی رہا ہے
اس روز اس بات پر غور کریے کہ انسان کو اس کی تمام تر کوتاہیوں کے باوجود فرشتوں نے سجدہ کیوں کیا تھا ۔ ۔ ۔
سلام
ظاہری سی بات ہے انسان میں اتنا حوصلہ ہے کہ نافرمانی کر سکے۔ اتنی طاقت ہے کہ احکامات سے روگردانی کر سکے اتنی عقل ہے کہ خالق کو پہچان سکے اور سب سے بڑی بات اس کے پاس دل اور دماغ ہے جو احکامات بجا لانے کے لیے پیدا نہیں ہوا بلکہ اس سب کو جو اس کے خالق نے تیار کر چھوڑا ہے اپنے قبضے مین کرنے کے لئے پیدا ہوا ہے۔