o_O بدتمیز

امریکہ عجیب ملک ہے۔ لوگ بےوقوف ترین ہیں۔ میڈیا پر آنکھ بند کر کے “ایمان لے آتے ہیں” ان کو بے وقوف بنانے والوں کو تعداد بھی کم نہیں۔ ہر کمپنی اور ہر بندہ ان کو بےوقوف بناتا ہے۔ پیسا کمانے کے جو ڈھنگ اور طریقے یہاں میں نے دیکھے اور کہیں نہیں دیکھے۔ ان میں سے ایک طریقہ ہے us-mint کا وضع کردہ۔ یہ سکوں کی شکلیں اور ساخت تبدیل کرتی رہتی ہے۔ اور پیسہ بنانے والے لوگ، عام عوام کو مختلف ترغیبات دے کر فروخت کرتے ہیں اور مزے کی بات ہے بہت سے لوگ اس کو خریدتے ہیں۔ کیونکہ کچھ ہی عرصے میں یہ غائب ہو جاتے ہیں۔

خود میرے پاس بہت سے سکے جمع ہیں۔ وجہ ہے میری ہمیشہ سے چینج دراز میں جمع کرنے اور اس کو خرچ نہ کرنا۔ کیوں کہ مجھے سکوں کی جبب میں چھن چھن نہیں پسند۔ جینز کی پینٹ میں تھوڑی دیر برداشت کر لیتا ہوں لیکن اگر کہیں charity bowl نظر آ جائے تو فٹ اس میں ڈال دیتا ہوں۔ میں نے ایک بھی سکہ خریدا نہیں جبکہ سکوں کی خریدوفروخت یہاں بہت نفع بخش کاروبار ہے۔ میرا کزن تو ان کا دیوانہ ہے۔ مجھے اس پر ہنسی آتی ہے جو چیز وہ خرید کر حاصل کرتا ہے وہ مجھے ایسے ہی مل جاتی ہے۔ جیسے اس کے پاس 98 سال پرانا liberty head V nickle ہے اور مجھے بقایا پیسے لیتے وقت 104 سال پرانا بالکل ویسا ہی nickel مل گیا تھا۔ اسی طرح اس کو ایک Indian head nickel اتنا پسند آیا کہ اس نے خریدا میں نے اس کو بھی ابھی ہفتہ پہلے بقایا پیسوں میں لے لیا۔

اوہ امریکی کرنسی کا تو بتایا ہی نہیں۔ پاکستان میں ہم نے پیسوں کو صفایا کر دیا ہوا ہے۔ میں نے کچھ پانچ اور دس پیسے کے سکے اور باقی ڈھیر سارے 25 اور 50 پیسے کے سکے جمع کر کے پاکستان میں ایک صندوق میں رکھے ہوئے تھے۔ وجہ تھی کہ چھوٹے ہوتے ملتے تھے اور دکاندار لیتے نہیں تھے۔ یہاں ایک پیسہ کا متبادل ہے penny اور یقین مانئے یہ ابھی تک چلتی ہیں۔ جولائی میں کچھ باتیں ہو رہی تھیں کہ اس کو ختم کر دینا چاہئے لیکن پھر معاملہ سرد پڑ گیا۔ پانچ پیسے کے سکے کو nickel کہا جاتا ہے۔ دس پیسے کے سکے کو dime اور 25 پیسے کے سکے کو ہم چونی کہتے تھے یہاں quarter dollar کہا جاتا ہے۔ 50 پیسے کے سکے کو half dollar کہا جاتا ہے۔

Us-mint نے پہلے ایک پروگرام شروع کیا ہوا ہے جس کی رو سے ہر سال quarter dollar کے پانچ سکے جاری کئے جاتے ہیں۔ یہ سکے امریکہ کی 50 ریاستوں کے الحاق کے لحاظ سے جاری کئے جاتے ہیں۔ یعنی جس ترتیب سے یہ ریاستیں امریکہ کا حصہ بنتی گئیں اسی لحاظ سے یہ سکے جاری کئے جائیں گے۔ یہ پروگرام دس سالہ ہے اور 1999 میں شروع کیا گیا تھا۔ اور 2008 اس کا آخری سال ہوگا۔

ابھی  میں ریاست مونٹانا کے سکے کے انتظار میں ہوں یہ جنوری کے آخر تک دستیاب ہو گا۔ اس سے پہلے نومبر 2006 میں south Dakota کا سکہ جاری کیا گیا تھا۔ ان سکوں کے سیٹ کی مقبولیت کا عالم دیکھئیے کہ ابھی تک جاری کئے گئے تمام سکے عام بازار میں دستیاب ہیں پھر بھی ان کے سیٹ کی قیمت مارکیٹ میں 315 ڈالر تک لگ چکی ہے۔ خود میں نے ایک فولڈر خرید کر اپنے سکوں سے ایک سیٹ مکمل کر لیا ہوا ہے۔ اور اگر امریکہ کی دونوں ٹیکسالوں کے سکوں کا سیٹ ہو تو قیمت تو ہزاروں میں چلی جاتی ہے۔ امریکہ میں دو ٹکسال ہیں ایک Denver میں اور دوسری Pennsylvania میں۔

2007 سے ایک نیا پروگرام شروع کیا جا رہا ہے جو کہ امریکی صدور کو خراج تحسین پیش کرنے کی کوشش ہے۔ اس خراج تحسین کو پانے کے لئے مرنا ضروری ہے۔ باقی تو مر کھپ چکے۔ بش سینئیر اور جونئیر کے بارے میں قیاس آرائیاں جاری ہیں۔ بل کلنٹن کی کوئی اتنی خاص حرکات نہیں کہ لوگ ان کے مرنے کی دعائیں کریں۔ بش سینئر کے بارے میں امید کی جاتی ہے کہ وہ یہ خراج تحسین ضرور حاصل کر لیں گے۔ صدر بش نے چونکہ ہمیشہ وختہ ہی پائے رکھا ہے لہذا امید ہے کہ ان سے پیچھا چھڑانے کے لئے کوئی ترمیم کی جائے گی۔ ویسے دل جلوں کا خیال ہے ان کو صدر کینیڈی کی طرح زبردستی خراج تحسین پیش کیا جانا چاہئے۔

پہلے صدارتی ڈالر کے لئے issue date 16 فروری کی دی گئی ہے۔ لہذا اب انتظار کرنا ہو گا کہ کب ہم اس نئے ڈالر پر ہاتھ صاف کر سکیں۔ کچھ ہی عرصے میں اس سارے سیٹ کی قیمت بھی بہت بڑھ جائے گی۔ اور تب لوگ اس کو فروخت کرتے نظر آئیں گے۔ ابھی بھی میرے کزن کے خیال میں اس کو کم از کم تین فولڈر سیٹ تیار کرنے چاہیئے۔ جبکہ میری کوشش ہو گی کہ جتنے بھی حاصل کر سکوں کر لوں کیوں کہ مجھے سکوں کا ڈھیر جمع کرنا پسند ہے۔ لیکن صرف دراز میں۔

Liberty Head V Nickle

 Indian Head Nickle

Sout Dakota Quarter

Montana Quarter

Washington Dollar

Popularity: 11% [?]