بدتمیز

موت ایک ایسی عجیب چیز ہے جس سے میں ڈرتا نہیں لیکن اس کو پسند بھی نہیں کرتا۔ کسی کے مرنے پر مجھے بالکل سمجھ نہیں آتی کے کیا کہوں۔ ایسے میں آپ اگلے بندے کو جو مرضی کہہ لیں آپکے الفاظ بالکل کھوکھلے ہوتے ہیں۔ جتنا مرضی صبر صبر کی رٹ لگائیں اگلے بندے کے دل کا حال آپ محسوس نہیں کر سکتے۔ مجھ سے شائد کچھ لوگ اس بات پر ناراض بھی ہیں کہ میں نے انکے کسی عزیز کے مرنے پر ان کو تسلی نہیں دی۔ میں ان کو کبھی نہیں سمجھا سکوں گا کہ میں نے ایسا کیوں نہیں کیا۔

کبھی کبھی مرتا کوئی ہے اور مصیبت کسی کو ڈال جاتا ہے۔ ہمارے ایک جاننے والے صاحب ہیں۔ گجراتی ہندو ہیں اور یہاں ایک اسٹور کے مالک ہیں۔ آپ کی پتنی کے پِتا پرلوک سدھار گئے ہیں۔ (پکی ہندی نہی آتی میں کہنا چاہتا ہوں کہ اوپر تشریف لے گئے ہیں اور اگر بدتمیزی کروں تو کہوں کے وہاں چلے گئے ہیں) خیر آپ چونکہ پکے پکے بنئٰے ہیں لہذا ہٹی بند بھی نہیں کرنا چاہتے تھے اور اپنے سسر مرحوم کی چتا کو آگ لگتا بھی دیکھنا چاہتے تھے۔ لہذا آپ نے کہہ سن کر ہماری ڈیوٹی لگا دی کہ ہم ان کے اسٹور پر 2 دن بیٹھیں۔ ان کے مطابق کام سارا ورکر کرے گی۔ لیکن یہ سب بکواس ہی ہوتی ہے آپکو بھی کام کرنا پڑ جاتا ہے وہ بھی مفتے کا۔

میرا تو خیال تھا دو دن جہنم جیسے ہونگے لیکن پھر اندازہ غلط نکلا اور لوگوں کو سمجھنے کے لحاظ سے کیا زبردست experience ہوا ہے۔ یہ علاقہ کالوں کا تھا۔ امریکہ میں کسی بھی شہر کا ڈاؤن ٹاؤن کالوں کا گڑھ بن جاتا ہے۔ لہذا یہ بھی کالوں کا گڑھ تھا۔ ورکر بھی کالی تھی لہذا اسٹور میں بہت رش لگتا تھا۔

امریکہ میں مرد اور عورت کو “برابری” حاصل ہے۔ Equal Opportunity Employer کے نعرے ہر جگہ درج ہیں۔ (اس میں مذہب اور رنگ نسل کے فرق کا نہ ہونا شامل ہے میں نے اس کو طنزیہ انداز میں لکھا ہے)

مجھے کتنے ہی عرصے سے لوگ یہاں کہتے تھے Do you talk?  یا اگر میں تھوڑی سی بات کر لوں اور صرف کام کی بات کروں تو پوچھتے are you even funny? اس کے بعد جو اگلا سوال ہوتا تھا وہ ذرا عجیب تھا وہ تھا do you eat meat? اب میں کہتا تھا yes اور ان کا جواب ہوتا تھا کہ then you cant be funny. مسلمانوں کا یہاں تاثر کام سے کم رکھنے والے اور reserve قسم کے لوگوں کا ہے۔ اور حیرت انگیز طور پر ہندؤں کی گھلنے ملنے کی عادت یہاں بہت ہے۔ اس وجہ سے مسلمانوں کی نسبت ہندؤں کو زیادہ پسند کیا جاتا ہے۔

 اس برابری نے یہاں جو رنگ دکھلائیں ہے ان کا ذکر پھر کبھی سہی ویسے بھی آپ لوگ وہ باتیں سن سن کر بور ہو گئے ہونگے ہم آج آپکو harley کا حال سناتے ہیں یہ اسٹور کی افریقن امریکن ورکر ہیں۔ آپ نے بھی میرے ساتھ اوپر والے سوال جواب کی طرز پر سوال کئے تھے تو میں نے اس سے بات کرنی شروع کی تھی۔

Harley کے چار بچے ہیں۔ آپ Legally married نہیں ہیں۔ یہ بچے آپ کے boyfriend(s) کے ہونگے۔ برابری کا مطلب ہے ماں باپ دونوں آزاد ہیں اب harley کے سر پر اس کے بچوں کا بوجھ ہے کیونکہ شوہر حضرات کی ذمہ داری ختم کر کے برابری کے حقوق دے دئیے گئے ہیں۔ harley صبح 4:15 پر اٹھتی ہے۔ پہلے ace hardware پر جاتی ہے جہاں اس کو guaranteed hours نہیں ہیں۔ اس لئے ان کو اس اسٹور پر پارٹ ٹائم کام کرنا پڑتا ہے۔ یہ کام شام 4 بجے سے رات 11 بجے تک ہے۔ اس کے دونوں جگہ کے شیڈول میں ایک دن بھی off نہیں۔

اس دوران اس نے کھانا کیسے پکانا ہے اور کپڑے دھونے اس کا اندازہ میں لوگوں پر چھوڑتا ہوں۔ اس کے علاوہ جو بھی ملازمت پیشہ ہو وہ اندازہ کر سکتا ہے اس کی مشکلات کا۔ وہ اس وقت شدید محنت کر رہی ہے صرف اس برابری کے نام پر جس نے اس کو آج یہ دن دیکھائے ہیں۔ میں سوچ رہا تھا کہ اس کی بس کب ہو گی۔ جب ساری توانائی ختم ہو جائے گی تو اس کی ٹوٹ پھوٹ کیسی ہو گی؟

اس کو اس برابری کا احساس ہے۔ وہ اپنے بچوں کو ان غلطیوں سے بچانا چاہتی ہے جو اس نے کیں۔ اس کی غیر موجودگی میں اس کے گھر کوئی لڑکا نہیں آ سکتا۔ اس کے بچوں کو اسٹور میں آ کر بھی سگریٹ یا beer کی بوتل کو کسٹمر تک کو دینے کی اجازت نہیں۔ وہ اپنی بیٹیوں کو کہتی ہے کہ پسند تمہاری ہی ہو گی لیکن لڑکا میرے معیار کا ہونا چاہئے۔ اس سے کم کا نہیں۔ اور میں اپنی طرف سے ہر گز نہیں کہہ رہا اس کی بیٹی ڈاکڑ بننا چاہتی ہے اور وہ کہتی ہے کہ پھر بھی ایسا لڑکا پسند کرنا جو تمہیں کبھی خود سے نوکری کرنے کا نہ کہے۔

اس کو باہر نکلنے کا کیا انعام ملا؟ 2 دن میں اسٹور پر رہا ہوں اس دوران اس کو کم از کم 10،15 لوگوں نے رات گزارنے کی آفر مختلف انداز میں کیں۔ ایک شخص اس کو 5 ڈالر کا چینج نہ دینے پر گالیاں دیتا گیا۔ (چینج ختم ہو گیا ہوا تھا اور وہ فضول میں ضائع نہیں کر رہی تھی کہ دن نکل جائے) اس نے پولیس کو کال کی اور پولیس آفیسر بس ہوں ہاں کر کے چلا گیا۔ وہ دن رات میں صرف 4٫5 گھنٹے سوتی ہے۔ ان گھنٹوں میں بھی اس کے boyfriend صاحب اس سے اپنی خواہش پوری کرتے ہیں اور جہاں تک ایک بندے کی باتیں میں نے سنیں اس کے مطابق پیسوں کے لئے یہ اسی 4٫5 گھنٹے میں کسی مرد کے ساتھ سو بھی جاتیں ہیں۔

اس قدر شدید محنت کرنا اور اوپر سے لوگوں کی گالیاں سننا اور پھر بدکرداری کے الزامات۔ مجھے حیرت ہوئی۔ اگر عورت کی یہی عزت ہے اور یہی برابری ہے تو پھر تو میں جاہل ہی بھلا۔

اور اگر آپ کہیں کے نہیں یہ ذرا low level جاب ہے اور دوسری جگہوں پر اچھے لوگ ہیں تو میں جیسے ہی موقع ملا اس پر بھی لکھوں گا۔ دوسرے میں واضح کرنا چاہوں گا کہ ہر انسان اپنے نقطہ نظر سے کسی بھی چیز کو دیکھتا ہے یہ اس چیز کا صرف ایک پہلو ہے ہو سکتا ہے کہ کچھ روشن پہلو بھی ہوں کسی کو اعتراض ہو تو مجھے روشن پہلو دیکھا کر قائل کریں۔

Popularity: 44%