o_O بدتمیز

مجھے یاد نہیں کہ کس نے کہا تھا کہ کائنات میرے بچپن کے تصور سے خوفناک حد تک بڑی نکلی۔ ان کے خیال میں کائنات ان کے گھر (جو کہ شائد نیویارک میں تھا) کے ارد گرد کچھ علاقے پر مشتمل تھی۔ کچھ یہی حال میرا تھا۔ میرے نزدیک شروع شروع میں دنیا میرے گھر ریوازگارڈن فلیٹس سے اقبال ٹاؤن تک تھی۔ اس کے بعد اس میں معمولی اضافہ ہوتا رہا یہاں تک کے مجھے پاکستان کے صوبوں کے نام یاد ہو گئے۔ میری بچبن کی غلط فہمیوں میں سے ایک غلط فہمی یہ بھی تھی کہ پنجاب ٹیکسٹ بک بورڈ سارے پاکستان کا سلیبس اور کتابیں تیار کرتا ہو گا۔

ایک دفعہ ایک مہمان لڑکے کی کتاب دیکھی اور بہت کوشش کی لیکن اس کتاب کو پڑھ نہ سکا۔ امی سے پوچھنے پر پتہ چلا کہ یہ کتاب سندھ ٹیکسٹ بک بورڈ کی ہے اور سندھی میں ہونے کی وجہ سے میں اس کو پڑھ تو رہا ہوں لیکن پلے نہیں پڑ رہا کہ کیا پڑھ رہا ہوں۔ میں نے اس لڑکے کو اپنی کتاب بھی دیکھائی اور اس کو کہا کہ کچھ چیزیں تو same ہیں لیکن باقی مختلف ہیں اور اس کو کہا کہ مجھے ترجمہ کر کے سنائے۔

امریکہ اقوام کا ملغوبہ سا ہے۔ اس میں ہر نسل قوم اور ملک کا بندہ ہے۔ کبھی کبھی مجھے لگتا ہے شائد یہ ایک بہت بڑا تجربہ ہے جس میں ہر قسم کے لوگوں کو رکھا جا رہا ہے۔ امریکہ میں اب دو زبانوں کا جاننا پلس پوائنٹ بن چکا ہے۔

امریکی اسکولوں میں کسی ایک foreign language کا سیکھنا لازمی ہے۔ طالب علم کو choice میں Latin, French اور Spanish میں سے کسی ایک زبان کو پڑھنا ہوتا ہے۔ اکثر لوگ Spanish کی بڑھتی ہوئی مانگ کے پیش نظر اس کو ترجیح دیتے ہیں کچھ لوگ French بھی پڑھتے ہیں لیکن بہت سے Latin پڑھتے ہیں۔ جی ہاں ایک تقریباُ متروک زبان۔ جس کی اہمیت ہماری عربی کی طرح کی ہے لیکن ہم سے 3 سالوں کے لئے برداشت نہیں ہوتی۔

Latin کی اہمیت اس امر سے دیکھئے کہ کالج گریڈ میں اس کے نمبرز سب سے زیادہ ہیں۔ مجھے اس وقت صیح سے معلوم نہیں لیکن کالج گریڈ کے لئے اس کے پڑھنے والے کو ایکسٹرا پوائنٹ ملتے ہیں۔ ادھر ہم دیکھیں عربی کے پیچھے ہاتھ دھو کر پڑ جاتے ہیں اور بچوں سے محبت کے مارے کہتے ہیں کہ پہلے ہی اردو اور انگلش کا بوجھ ان پر ہے اوپر سے عربی بھی سوار کر دیں۔

امریکیوں کو کیا پڑی ہے کہ وہ دوسری زبانوں کو اپنے بچوں پر نازل کریں؟ انگلش انٹرنیشنل زبان ہے وہی ٹھیک ہے۔ لیکن اس کا فائدہ ہے کہ امریکہ لسانی بنیاد پر دھڑوں میں تقسیم نہیں ہو سکتا۔ ہر جگہ کوئی نہ کوئی دوسرے کی زبان جانتا ہے۔

ہم پاکستان میں چار دھڑوں میں تقسیم ہو چکے ہیں۔ ہم مسلمان نہیں رہے سندھی بلوچی اور پنجابی ہیں۔ پنجاب سے کوئی عورت بلوچستان جائے تو عورت کے تقدس کا احترام کرنے والے اس کی عزت اس بنیاد پر لوٹ لیتے ہیں کہ وہ پنجابی ہے یہ نہیں دیکھتے کہ وہ عورت ہے اور مسلمان ہے۔ میرا مقصد بلوچیوں کے خلاف بات کرنا نہیں لیکن لسانی بنیادوں پر تقسیم اسی قسم کے کارنامے سامنے لاتی ہے۔

ڈھاکہ کیوں علیحدہ ہوا اس کی لاکھ باتیں ہیں لیکن اگر ہم نے لوگوں کو ادھر ادھر کیا ہوتا تو ایسی نوبت نہ آتی یہاں کے لوگوں کو وہاں بھیجتے اور وہاں کے لوگوں کو یہاں لاتے اور مستقل بنیادوں پر ان کی بھاگ دوڑ کرواتے تاکہ بروقت درست خبر ملتی۔ وہاں کیا کچھ پکتا رہا پتہ نہیں چلا اور پھر سب کچھ ختم

اب پھر وہی حالات۔ آپکو ان کا نہیں پتا کہ کیا ہے اور ان کو آپکا نہیں پتا۔ اسکولوں میں دوسرے صوبوں کی زبان لازمی کریں تبھی آپ لسانی عصبیت دور کر سکتے ہیں۔ نہیں تو اندر ہی اندر پکتا رہے گا اور پتہ ہی نہیں چلے گا۔ اس سے ان لوگوں کو یہاں آنے کا اور ہمارے لوگوں کو وہاں مستقل طور پر جانے کا موقع ملے گا۔ ہم لوگ کرزئی پر ہنستے ہیں کہ وہ کابل سے باہر نہیں جا سکتا تو میرے بھائی ہم کونسا بلوچستان جا سکتے ہیں؟

کلچر ایسے متعارف نہیں ہوتے اس کا اظہار اس کی زبان ہوتا ہے۔ ایک دن شو کر کے کلچر متعارف نہیں ہوتے۔ اور بچوں کو under-estimate مت کریں وہ سیکھ سکتے ہیں انڈیا میں 4 زبانوں کا جاننا تو عام سی بات ہے۔ ہمارے بچے فارغ رہ رہ کر الٹے سیدھے کام کرتے رہتے ہیں ان کو کسی کام لگ جانے دیں۔ ویسے بھی بچوں کو اور بڑی قسم کی معلومات ہوتی ہیں سو ایک زبان اور بھی سہی۔

Popularity: 2% [?]