o_O بدتمیز

اٹلانٹک کے اس کنارے پر ہم ہیں اور دوسرے پر ہے تاریک براعظم۔ دنیا ہر کچھ عرصے بعد بدلتی ہے ایسے میں ہر قوم نئی دنیا میں اپنا مقام بناتی ہے۔ ہم مسلمان چونکہ تعمیر سے زیادہ تخریب میں ماہر ہیں لہذا ہم ہر کچھ عرصے بعد ہونے والی تبدیلی کے نتیجے میں وجود میں آنے والی نئی دنیا میں اپنا مقام بنانے کی بجائے اپنا مقام ڈھونڈتے پائے جاتے ہیں۔ یہ اور بات ہے کہ ہماری تلاش ہمیشہ سے جاری ہے اور جاری ہی رہے گی۔

مسلمانوں میں بہت کم باتیں ہیں جس پر یہ متفق ہیں ان میں سے ایک ہے اختلاف رائے۔ اختلاف رائے اچھی بات ہے مگر تب تک جب تک حدود میں رہے نہیں تو نسواں بل کی طرز پر کئی قسم کے بل نازل ہوتے ہیں جس میں حدود سے باہر اگر برے لوگ جائیں تو کوئی بات نہیں لیکن اگر کوئی اور جائے تو ۔۔۔۔۔۔۔۔۔۔۔۔

تعلیم کیا ہے؟ اس پر ہر کسی کی اپنی رائے ہوگی۔ میرے نزدیک تعلیم ہے علم کا جاننا یعنی جتنا میں جانتا ہوں وہ تعلیم ہے اور جتنا میں نہیں جانتا وہ علم ہے۔ علم حاصل کرنا اچھی بات ہے لیکن کچھ علوم کا نہ ہی حاصل کرنا بہتر ہے۔ ہم چونکہ اشرف المخلوقات کا ترجمہ مسلمان کرتے ہیں لہذا ہم ایسے علم حاصل کرنے میں بھی عار نہیں سمجھتے جن کا حاصل کرنا وقت کے زیاں سے زیادہ کچھ نہیں۔ کیونکہ اس کی وجہ ہے کہ ہم عام طور پر وقت آنے سے پہلے ہی اس علم کے پیچھے پڑ جاتے ہیں۔

ہم چونکہ بچوں سے بہت پیار کرتے ہیں لہذا ہر لمحہ ان پر تعلیم کے نام پر پڑے ہوئے بوجھ کو کم کرنے کی کوشش کرتے رہتے ہیں۔ دوسرے ہمارا لہک لہک کر ترانہ ختم نہیں ہوتا کہ ہمارا تعلیمی نظام بڑا ناقص ہے۔ نظام ہر جگہ کے کسی نہ کسی لحاظ سے ناقص ہی ہوتے ہیں اور اس میں ہر وقت بہتری لائی جا سکتی ہے۔

تاریک براعظم میں ایک ملک ہے موریطانیہ، اس میں حالات ہیں برصغیر پاک و ہند کے سے۔ تاریخ اپنے آپ کو دہراتی ہے لیکن چونکہ ہماری خوش قسمتی تھی دنیا نے اس وقت اتنی ترقی نہیں کی تھی اس لئے سر سید احمد خان بچ گئے اور ہم پر ایک احسان کر گئے جسکا ہم شکریہ عموماُ پاکستان میں پڑھ لکھ کر اسی کو لتاڑ کر کرتے ہیں۔ لیکن چونکہ اول مسلمان علاقائی طور پر مسلمان ہیں لہذا وہ دوسرے علاقوں کے مسلمانوں کی تاریخ سے سبق حاصل کرنا فضول سمجھتے ہیں دوسرے چونکہ دنیا کافی ترقی کر گئی ہے لہذا تاریخ کے دہرانے میں سب کچھ وہی ہے ایک سر سید نہیں ہیں۔

موریطانیہ کی حکومت پاکستانی حکومت کی طرح ۔۔۔۔۔۔۔ ہے۔ لہذا موریطانیہ کی مسلمان آبادی نے اپنے بچوں کے سکولوں سے اٹھا کر گھر بٹھا لیا ہے۔ وجہ ہے حکومت کی طرف سے اسکولوں میں دی جانے والی مذہبی تعلیم پر پابندی۔ کیونکہ حکومت سیکولر ہے لہذا اس کی طرف سے اقدام کیا گیا ہے وجہ ہے کہ موریطانہ فرانس کی کالونی تھی جیسے ہم لوگ برٹش غلام ہیں لہذا فرانس کے قوانین سے تو آپ واقف ہی ہونگے اس کے اثرات وہاں تک جا رہے ہیں

سو مسلمانوں کے نزدیک تعلیم کا مطلب ہوا مذہبی تعلیم۔ تو باقی تعلیم کا کیا ہو گا؟ اس کو ہم BUY کریں گے۔ میری ایک ہی تمنا ہے وہاں کوئی عقلمند صرف اتنی عقل دے دے کہ اے الو کے پٹھے مسلمانوں بچوں کو اسکول بھیجو اور مذہبی تعلیم گھر پر دو ایک مذہبی تعلیم ختم کی ہے تو جو اسکول میں پڑھاتا تھا اس کو الگ سے 2٫2 روپے فی بچہ کے حساب سے جمع کر کے دو اور بچے اس کے پاس بھیجو اس کی بھی نوکری ختم ہوئی ہے اس کا بھی کام بن جائے گا تمہارا بھی نہیں تو 10 ہی سالوں میں سب کے سب جمعدار لگے ہوگے۔ مذہبی تعلیم دینا اسکول کے استاد کا کام نہیں ہے یہ تمہارا فرض تھا جسکو تم نے پورا کرنے کے بجائے دو ٹکے دے کر استاد کے سر تھوپ دیا۔

اپنی ہی نسل کے ساتھ ایسا بھیانک سلوک اور اوپر سے سوچنا ہم اپنی اولاد کا بھلا کر رہے ہیں۔ ہنسی آتی ہے اور رونا بھی۔ پھر الزام اللہ کو کہ یہ ہو گیا اور وہ ہو گیا۔ کام کی بات اگر آپکا نا پسندیدہ ترین بندہ بھی کہہ رہا ہو تو مان لیجئے، اپنا فائدہ دیکھئے اکڑ نہیں۔ میرے نزدیک یہ سب جہالت نہیں ہے ظلم ہے۔ جہالت سے بدتر ظلم ہوتا ہے۔ سانپ اور درندے سنا تھا اپنی نسل کا خودی صفایا کرتے ہیں آجکل ان میں ہم مسلمان سرفہرست ہو گئے ہیں۔

Popularity: 4% [?]