o_O بدتمیز

خلائی سپیس شٹل ڈسکوری ابھی رات 8:47 پر فلوریڈا سے اپنے مشن پر روانہ ہو گئی ہے۔ کل بھی اس کی روانگی T – 5 minutes پر روک دی گئی تھی۔ وجہ تھی فلوریڈا پر چھائے ہوئے بادلوں کی thickness مقررہ معیار سے کہیں زیادہ تھی۔ آج بھی کہا جا رہا تھا کہ کوئی پتہ نہیں آج بھی اس کی روانگی موخر کر دی جائے۔ خلائی شٹل فلوریڈا کے کینیڈی اسپیس سینٹر سے روانہ کی جاتی ہیں اور ان کی واپسی ہیوسٹن کے اسپیس سینٹر کے رن وے پر ہوتی ہے۔ آج فلوریڈا پر بادل نہیں تھے یا تھے تو مقررہ معیار سے اندر تھے لیکن ہیوسٹن پر چلنے والی ہوا مقررہ معیار سے زیادہ تھی۔

اب اس کا کیا مطلب ہوا؟ ہیوسٹن کو دیکھنے کی کیا ضرورت ہے ہم تو فلوریڈا سے لانچ کریں گے لیکن چونکہ ساری دنیا مسلمانوں جیسی بےوقوف نہیں لہذا ان کی منطق یہ ہے کہ چلیں شٹل لانچ کر دی لیکن کوئی ایسی خرابی ہو گئی کہ اس کو تھوڑی ہی دیر میں واپسی کرنی پڑی تو پھر یہ کہاں اترے گی؟ ہیوسٹن میں لہذا ہیوسٹن کا  بھی خیال رکھنا پڑ رہا تھا۔ بہت کم لوگوں کو یہ بات پتہ ہے کہ ہیوسٹن سے اسپیس شٹل کو بوئنگ طیارے کے اوپر سوار کر کے فلوریڈا لایا جاتا ہے۔

خیر count down کے شروع ہوتے ہی ایک منٹ بعد Nasa کے کنٹرول سینٹر سے اعلان کیا گیا کہ ہیوسٹن میں بھی cross wind مقررہ معیار کے مطابق ہو گئی ہے۔ چلیں جی اب وقت گزرتا جا رہا ہے اس دوران بتایا گیا کہ t-45:00 پر 45 minutes کے لئے hold کیا جائے گا اور پھر دوبارہ t-5:00 پر 20 minutes کے لئے hold کیا جائے گا اس دوران تمام چیزوں کا جائزہ لے کر تب کہیں جا کر شٹل بھیجی جا سکے گی۔

شٹل میں ایندھن کے نام پر liquid hydrogen اور liquid oxygen کے دو سلینڈر ہیں جن کی مقدار 3٫3 لاکھ گیلن ہے۔ تھرسٹ 7 ملین پاؤنڈ بتایا گیا تھا شائد۔ شٹل کا وزن 500 ملین پاؤنڈ تھا۔ 4 سال بعد Nasa نے کوئی شٹل رات کے وقت لانچ کی ہے نہیں تو ہمیشہ دن کے وقت کیا جاتا تھا۔ شٹل میں 7 افراد سوار ہیں جن میں ایک خاتون اور ایک افریقن امریکن بھی شامل ہے۔ ان افراد کو international space center کی تعمیر میں حصہ لینا ہے۔ خلا میں چہل قدمی کے تین مشن بھی ان کے سپرد ہیں۔ اس مشن کی مکمل معلومات ابھی ڈھونڈنے پر اس جگہ پر ملیں ہیں اگر آپ یہ پوسٹ اگلے مشن کے بعد پڑھیں گے تو یا تو میں خود ہی لنک پوسٹ کر دونگا یا آپ Nasa کی ویب سائیٹ پر جا کر Launch mission archives سے sts-116 ڈھونڈ لیجئے گا۔

شائد کچھ دن پہلے خبر پڑھی لی ہو کہ لاک ہیڈ مارٹن ایک اور خلائی شٹل بنانے جا رہا ہے۔ یہ وہی کمپنی ہے جو کہ f-16 بنانے کے لئے پاکستان میں بڑی مشہور رہی ہے۔ یہ وہی سائنس ہے جس میں مسلمانوں کا بھی حصہ ہونا چاہئے تھا۔ مسلمان کب جاگیں گے کچھ پتہ نہیں۔ انڈیا والے جاگ گئے ہیں Nasa میں بہت بڑی تعداد میں انڈین لوگ کام کر رہے ہیں۔  یاد ہو گا انڈیا نے خلا میں شٹل بھیجنے کے لئے تجربہ کیا تھا اور اس کی ناکامی پر بڑی خوشی منائی گئی تھی۔ انڈیا جب کبھی انہیں سائنس دانوں کی بدولت اس قابل ہو گیا کہ سپیس شٹل لانچ کر سکے تو یہ کمپنیاں جنہوں نے سیارچے nasa کے ذریعے بھیجنے ہوتے ہیں انڈیا سے کتنے کم پیسوں میں بھیج سکیں گی؟ اس کا اندازہ لگائیے اور نئی دنیا میں اپنا مقام ڈھونڈیے۔

تب تک کے لئے مسلمانوں خصوصاُ پاکستانیوں کو سونا چاہئے کیونکہ سب سے پہلے پاکستان۔ دشمن کی ناکامی پر خوشی منانا بےوقوفی ہے کیونکہ اگر آپ مقابلہ نہیں کر رہے تو پھر تو اس کے لئے میدان خالی ہے ایک ناکامی ہو گی دو ہونگی یا چار کبھی تو کامیاب ہو گا لیکن آپ سوتے رہ جائیں گے۔

پاکستان کی خلائی تاریخ بدر تک آ کر ختم ہو جاتی ہے وہ بھی روس کی مہربانی تھی کہ خلا میں لے گیا۔ ہر ملک کو سپیس میں 5 سلاٹس ملتی ہیں وجہ یہ ہے کہ خلا میں کوڑا کرکٹ زیادہ نہ ہو کہ شٹلز کو آنا جانا بھی ہوتا ہے لہذا ٹکرانے کا یا خرابی کا اندیشہ ہوتا ہے۔ پاکستان نے اپنی ساری سلاٹس ضائع کیں اور ایک بچانے کے لئے ترکی سے ایسا سیارچہ اربوں ڈالر کی لاگت سے خریدا جو کہ کام نہیں کرتا تھا صرف اس لئے کہ قانون کے مطابق آپکی سلاٹ خالی نہیں ہونی چاہئے۔ اب میرا خیال ہے وہ بھی ضائع ہو چکی ہوگی کسی صاحب کو مزید معلومات ہوں تو ضرور دیں۔ تب تک بحیثیت پاکستانی  میں ذرا سو لوں۔

Popularity: 8% [?]