o_O بدتمیز

چونکہ میں پہلے بیان کر چکا ہوں کہ امریکہ نہایت الٹا ملک ہے لہذا ان کا فٹ بال بھی الٹا ہے۔ ساری دنیا میں ایک گیند کو بائیس کھلاڑی ٹھوکروں میں رکھتے ہیں ﴿بقول ابن انشا ہمارے ملک میں بائیس خاندانوں نے ملک کو ٹھوکروں میں رکھا﴾ خیر امریکی فٹ بال میں اس گیند کو سینے سے لگائے دوڑتے چلے جاتے ہیں۔ اور جوئے کا ورلڈ کپ ہوتا ہے ہر سال فروری میں۔ جہاں کھربوں ڈالر کا جوا ہوتا ہے اسی طرح جس طرح امریکی سال کا biggest shopping day تھینکس گیونگ سے اگلا دن ہوتا ہے یعنی بلیک فرائے ڈے اسی طرح سپر باول امریکہ میں biggest day of advertisment ہوتا ہے اس دن کے لئے خاص کمرشل بنائے جاتے ہیں جو خاص اس دن چلائے جاتے ہیں۔ جس طرح انڈیا پاکستان کے کرکٹ میچ میں پاکستان میں بازار سنسان ہو جاتے ہیں ویسے اس شام امریکہ سنسان ہو جاتا ہے۔

ہمارے ملک میں میچ ہارنے کے بعد نیا ٹی وی لیا جاتا ہے۔ کیونکہ غصے میں توڑ دیا جاتا ہے۔ امریکہ میں اس دن سے پہلے نیا ٹی وی لیا جاتا کہ میچ سے درست طریقہ سے لطف اندوز ہوا جائے۔ پہلے پلازما کا زور تھا آجکل ایچ ڈی ایچ ڈی ہو رہی ہے۔ لوگ باقاعدہ سپر باول پارٹیاں منعقد کرتے ہیں کہ مل کر کھیل سے لطف اندوز ہوں۔ اگر آپ کو ابھی بھی نہیں یقین کہ امریکہ واقعی الٹا ہے تو یوٹیوب پر شائد اس دن سے متعلق کمرشل دیکھ کر اندازہ لگا سکیں۔

میں نے دراصل غلطی یہ کی تھی کہ سرچ کر  بیٹھا تھا کہ کتنے موبل براوزر استعمال ہوتے ہیں یعنی کتنے لوگ موبل سے ہی نیٹ استعمال کرتے ہیں۔ ورڈ پریس ڈاٹ کام کے مطابق صرف اس کی سائٹ کو ساٹھ ملین پیج ویوز موبل براوزر سے ہوتے ہیں۔ بس جناب پھر میں موبل تھیم کے پیچھے پڑ گیا تھا جس کا نتیجہ یہ تھا۔

مگر بات ختم نہ ہوئی خرم اور عمر دونوں کو تھیم سے پرابلم ہے۔ میں نے تو خرم کو پہلے ہی کہہ دیا تھا کہ باوجود اس کے کہ اس کو آئی فون کڑیوں والا فون لگتا ہے فی الحال اس جیسا فون کوئی نہیں۔ خیر میں نے اس کو تو مشورہ دے دیا ہے کہ اچھا والا فون لے لے لیکن اپنے عمر صاحب نے بھی کہیں لکھا ہوا تھا کہ باوجود آئی فون تکڑیوں میں کلو کے حساب سے بیچے جا رہے ہیں انہوں نے بھی ای اکہتر لے لیا ہے۔ ہے نہ عقلمندی کی انتہا؟

لہذا ہم نے وقتی طور پر carrington mobile تھیم کو آزمانے کا فیصلہ کیا ہے۔ اس کا گوگل کوڈ پیج یہ ہے اور یہ اس پلگ ان کے ساتھ کارآمد ہے۔ اگر آپ میری طرح بوہتے عقلمند ہیں تو پلگ ان میں موجود تھیم کے بجائے گوگل کوڈ سے تھیم کا جدید ترین ورژن ڈاونلوڈ کر کے استعمال کریں اور بس اس ک folder کو rename کر کے carrington-mobile-1.0.2 کر دیں۔ یاد رہے نام تبدیل بہت ضروری ہے اس کے بغیر تھیم کام نہیں کرے گی۔

ضروری اطلاعۛ عمر اگر ابھی بھی ای اکہتر پر نہیں نظر آتا کچھ تو دیکھو کہ wap تو نہیں استعمال کر رہے اور فل html میں ہے اور پھر بھی کچھ نظر نہیں آتا تو یہ موبائل بیچ کر مجھے بھجے چنے لے دو۔